منتجع جوانا

من أجمل المنتجعات اللي زرتها الصدق ونظافة ومسبح جميل ودافى وخضار تفتح النفس 10/10

بسم الله الرحمن الرحيم طبعا هي مجموعة منتجعات جوانا صغيرة ومتجاورة تقييمي بناء على رأيي الشخصي لاحد هذه المنتجعات وهو (جوانا كروان) كالآتي: المكان جميل ومرتب بشكل عام بالرغم من صغره تقريبا مساحة المنتجع العرض ٧ متر والطول ٢٠ متر تحوي على مجلس وغرفة نوم مثلثة وجميلة وحمامين لكل من المجلس والغرفة -البركه مفتوحة وصغيرة جدا مساحتها 4*5 لدرجه انك ما تقدر تواصل السباحة فيها لمسافه مجرد تثبت بمكانك لفترة بسيطة وراح تمل (مثل اللي حصل معي) -البركة غير مؤمنه وخطرة على الاطفال لامكانية الوقوع فيها على الاقل لازم يكون حد يجيد السباحة وينتبه للاطفال في حال وجودهم -المكان عموما قد يكون غير مناسب لاستمتاع الاطفال لخلوه من اي مساحة حرة للعب تقريبا -من ضمن الاستراحة سرير مزدوج بالغرفة ولكن لا يوجد بالغرفة ستائر للخصوصية المطلقة ،كذلك لاحضت ان الشراشف متسخة وفيها بعض البقع توحي بانها دماء جافة ياريت يتم استبدالها او تنظيفها على الاقل. بالختام التقييم ٤ نجوم وهو مرتفع نوعا ما وذلك بسبب الشغل والتصميم الرائع لهذا المنتجع بالرغم من صغره قيمة ايجار المنتجع ٨٠٠ ريال ليوم كامل وممكن استئجاره لنص يوم بقيمة اقل مما يجعله مكان مناسب لتجمع الاصدقاء مثلا بعدد لا يتجاوز ١٠ اشخاص

السلام عليكم ورحمة الله كان المنتجع مبدئياً مقبول و تقبلنا انه كان مستهلك وكملنا جلستنا لكن الشي اللي غير راينا فيه، ان قبل الوقت فجأه انطفت الكهرباء والماي واتصلنا على العامل نستفسر ليش قال ان المنطقه كامل فيها عطل لكن مو معقول جوانا 3و1 جنبنا امورها تمام واحنا مطفي فقال ( مدير انا يقول قفل انا يقفّل ) يعني مافي عطل ولا شي والجو صيف حار وعندنا اطفال رضّع ويحتاجو الماي والتكييف وطلعنا قبل الوقت بسبب الحر وكانو العمال من الساعه 4 ينتظرو على الباب خروجنا بصراحه من اسوأ المنتجعات بدون مبالغه وبدون كذب من ناحية التعامل و المكان ويحتاج له صيانة ببعض الامور (( تعاملهم جداً سيء)) من باب الذوق ترسلو لنا رساله تذكير او اتصال ان الوقت قريب يخلص والحجز بينتهي لكن الشاليه اختارو تصرف غير لائق مع الزباين ويخليهم ينفرو ولا يجو مره ثانيه 👎🏻👎🏻❌

حجزت شالية 6 .. نظافة وترتيب وجمال متعوب عليه قضينا فيه وقت ممتع وسعيد الشالية مناسب للعوائل الصغيرة مكون من : -غرفة نوم مزدوجة بها جاكوزي ومطله على المسبح -صالة مفتوحة على مطبخ صغير -حمام واحد -مسبح خارجي -غرفة تبديل بها شاور بجانب المسبح -3جلسات خارجية -منطقة شواء تم التواصل معنا من قبل الادارة اثناء تواجدنا بالشالية للسؤال اذا كنا مستمتعين او لدينا شكوى.. العامل بيبلو سريع الرد والاجابة 👍 كانت هذه اول تجربه معاهم وبإذن الله ليست الاخيرة.